Juan Pablo Martínez, nuevo director de l'Instituto de l'Aragonés

Lo Plenario de l'Instituto de l'Aragonés, en a sesión monografica celebrada lo pasau 17 de chinero, ha eslechiu a lo profesor Juan Pablo Martínez como nuevo director de l'Instituto de l'Aragonés.  Con esta elección se cubre la vacant producida en a dirección de l'Instituto a resultas d'o feneiximiento, lo pasau 22 de noviembre, de l'escritor y historiador Ánchel Conte Cazcarro, qui heba estau lo director d'este organo de l'Academia Aragonesa de la Lengua dende la suya constitución. La reunión d'o Plenario, primera dende la muerte d'Ánchel Conte, estió marcada per la suya memoria y lo recuerdo d'o suyo treballo y paper fundamental como director de l'Instituto y president d'a comisión de treballo que elaboró la Ortografía de l'aragonés.